![placeholder](https://roysni.fo/css/img/banner2x1.png)
Fríggjakvøldið vann IK Sävehof triðju finaluna um svenska meistaraheitið. Talan var um langa og dramatiska finalu, tí neyðugt var við tvífaldari longdari leiktíð í Partille.
Les eisini: Óli Mittún og Sävehof nærkast svenska meistaraheitinum
Ëftir 80 minuttir var Sävehof omaná. Óli Mittún spældi stóran leiklut: 18-ára gamli hoyvíkingurin varð javnsettur toppskjútti við níggju málum, og tað var hansara høgg í síðsta minutti í fyrru longdu leiktíðini, sum tryggjaði Sävehof tíggju minuttir aftrurat.
Sigurin fríggjakvøldið merkir, at Sävehof kann tryggja sær svenska meistaraheitið við sigri í Ystad í kvøld. Fyrsta liðið at vinna tríggjar finalur gerst meistari, og eftir dystin fríggjakvøldið er 2-1 til Óla og teir.
Elias Ellefsen á Skipagøtu vann svenska meistaraheitið við Sävehof í 2021. Í fjør taptu Elias, Óli og hinir finalurøðina - nú kann Óli Mittún vinna gull (Mynd: EHF)
Tað er útselt til dystin í leikhøllini í Ystads, har heimaliðið fer at gera alt fyri at fáa eina fimtu og altavgerandi finalu. Um tað stendur á jøvnum eftir 60 minuttir í kvøld, er neyðugt við longdari leiktíð aftur.
Dysturin byrjar klokkan 17 føroyska tíð. Hann kann síggjast á SVT2, sum er ein av pakkunum hjá Televarpinum.
Portalurin verður eisini á staðnum í Svøríki - meira seinni
Vinarliga broyt tínar kennifíla - og privatlívsstillingar fyri at síggja hetta innihald