Óli vann silvur á Swedish Open

Teir báðir føroysku svimjararnir Óli Mortensen og Alvi Hjelm hava kappast í Swedish Open Swim Grand Prix um vikuskiftið.

Báðir svimjararnir kappaðust í fleiri greinum. Millum góðu úrslitini kunnu nevnast, at Óli vann silvurheiðursmerki í 1500 metrar frísvimjing, tá hann svam teinin við tíðini 16:17.10. Vinnari gjørdist danski Alexander Aslak Nørgaard, sum svam teinin við tíðini 15:40.72, skrivar svimjing.com.

Alvi Hjelm gjørdist triði skjótastur í b-finaluni í 200 metrar frísvimjing. Hann svam teinin við tíðini 1:57.49.