Ovi skift til grannarnar

Neistamenn hava styrkt seg við 20 ára gamla Ova Lützen.

Hann er uppvaksin í Kyndli, men hevur nú valt at royna seg í bláu troyggjuni.

- Sigast kann ikki annað enn, at Ovi hevur fingið nógv gott í beinini í Kyndli. Ovi er ein sterkur og góður leikari, sum styrkir munandi í verjuni og er ein støðug hóttan í álopinum, skrivar Neistin.

Ovi Lützen hevur longu spælt tveir dystir við Neistanum, sum liggur nummar fýra í Burn deildini við 11 stigum.

Ovi Lützen (Mynd: Neistin)