Fótbóltur

Páskaumfarið útsett í tríggjar vikur

Dystirnir í Betrideildini, sum skuldu verið spældir 2. páskadag og næsta mikukvøld, verða spældir 28. apríl ístaðin.

Vegna illveður í komandi viku, er fjórða umfar í Betrideildini flutt til 28. apríl. Myndin er frá fyrsta dystinum í Betrideildini í ár millum 07Vestur og B68 (Savnsmynd: Sverri Egholm)

Vegna illveður í komandi viku, er fjórða umfar í Betrideildini flutt til 28. apríl. Myndin er frá fyrsta dystinum í Betrideildini í ár millum 07Vestur og B68 (Savnsmynd: Sverri Egholm)

2021-03-31 16:02 Author image
Ingi Samuelsen
placeholder

Vegna vánaliga veðurforsøgn – hann lovar storm av norði á páskum – og broytta vegleiðing um sóttarhald hjá landsliðsspælarunum, verður fjórða umfar í Betrideildini hjá monnum flutt til mikudagin 28. apríl

Eftir ætlan skuldu tríggir dystir í fjórða umfari í Betrideildini hjá monnum verða spældir 2. páskadag, og tveir mikudagin 7. apríl.

Men vegna vánaliga veðurforsøgn og broytta vegleiðing um sóttarhald fyri landsliðsspælararnar, hevur kappingarnevndin avgjørt at flyta allar dystirnar í 4. umfari til mikudagin 28. apríl. Dystirnir, ið talan er um, eru hesir: KÍ-HB, B68-ÍF, TB-B36, 07 Vestur-EB/Streymur og NSÍ-Víkingur.

Sostatt verður fremsta deildin hjá monnum sparkað í gongd aftur sunnudagin 11. apríl, og tá verður spælt soleiðis: B68-TB, KÍ-EB/Streymur, ÍF-NSÍ, B36-Víkingur og HB-07 Vestur.

 

placeholder
placeholder