Agnar Prestá
Eyðun Klakstein staðfesti til landsliðsúttøkuna í gjár, at "tað hevur sjálvdan gingið væl hjá føroysku fótbóltsútisetunum".
Sí eisini (Video): - Kappingin um landsliðsplássini er harðari nú
Eitn av útisetunum í framgongd og eitt av nøvnunum, sum landsliðsvenjarin las upp, var Samuel Johansen Chukwudi. Miðverjin var noyddur at geva avboð til dystirnar í juni, tá hann var darvaður av einum skaða.
Annars hevur í stóran mun gingið væl hjá havnarmanninum, síðandi skiftið úr HB til HJK í vetur. Samuel er fastur og týðandi maður hjá SJK Seinajoki og hevur millum annað fingið stórt rós í finsku miðlunum.
SJK Seinajoki hevur eisini givið 22-ára gamla føroyinginum eina viðurkenning: Besti spælari fyri seinasta mánað, har Samuel Chukwudi - fyriuttan at vera stinnur í verjuni eisini skoraði og legði upp til mál.
Í góðari gongd - kappast í oddinum
Í gjár kom SJK afturum tíðliga í 2. hálvleiki, tá Haka skoraði tvey brotspørk innanfyri átta minuttir.
Tað var 2-1, men stutt seinni javnaði SJK og í yvirtíðini kom sigursmálið.
Sigurin í 21. umfari var tann fjórði á rað hjá Samuel Chukwudi og teimum. Føroyingurin spældi aftur fullan dyst í miðverjuni.
SJK Seinajoki er á 5. plássi, men tað eru bert trý stig upp til 1. plássið í tætta oddastríðnum.
Vinarliga broyt tínar kennifíla - og privatlívsstillingar fyri at síggja hetta innihald