Agnar Prestá
Í løtuni spæla Føroyar EM-fyrireikingardyst móti Svøríki B í Klaksvíkar Badmintonhøll.
Føroyar eru á odda í ferðmikla dystinum, har fleiri ymisk ting verða roynd - talan er um smala leiðslu nú fyrst í 2. hálvleiki.
Stórur stuðul er frá áskoðaraplássinum. Har eru flestu av teimum nakað yvir 600 plássunum tikin og serliga mongu børnini - í landsliðsblusum og við andlitsmáling - rópa og trumma og stuðla EM-liðnum ógvuliga væl.
Undan dystinum hava tey flestu vørnini verið til upphiting í KÍ-høllini, sum Føroya Banki og Hondbóltssambandið stóðu fyri saman við hondbóltsfeløgunum í Klaksvík. Har var møguleiki fyri júst andlitsmáling.
Eisini vóru hoppiborgir og møguleiki fyri at skjóta uppá mál móti "Anniku Fríðheim Petersen": Hetta var samstundis ein kapping í, hvør kundi skjótast harðast.
Sí nakrar myndir, sum Andrei Antal tók fyri HSF áðrenn dystin:
Vinarliga broyt tínar kennifíla - og privatlívsstillingar fyri at síggja hetta innihald