Signhild svam góða tíð í síðstu kappingini

Signhild Joensen royndi seg í morgun í 200 metra ryggsvimjing Evropameistarastevnuni 2021 í Budapest, og varð har nummar 32 av 36 við tíðini 2:18.50.

Hetta er besta tíð sum Signhild hevur svomið í hesi grein í ár, har hennara allarbesta tíð er føroyska metið á 2:14.01 frá Danish Open í 2017, skrivar heimasíðan svimjing.com.

Hetta var triðja og síðsta grein hjá Signhild á hesum EM, undir heldur serligum umstøðum, vegna koronaavmarkingar og tað at hon eisini tí endaði við at verða einsamallur luttakari úr Føroyum. Nú kunnu tær báðar í Budapest, Signhild Joensen og Rannvá Sigfríðsdóttir Rasmussen, njóta síðstu kappingar á hesi stevnum, áðrenn leiðin gongur norðureftir aftur mánadagin.