Simon Olsen gevst í Hoyvík

Tá hetta kappingarárið er av, fer høvuðsvenjarin hjá Simon Olsen av landinum aftur.

Hann skal standa á odda fyri Randers Håndboldklub, sum er í holt við at byggja kvinnuliðið upp aftur eftir at felagið fór á húsagang í fjør.

29 ára gamli danin kom til H71 í 2020, og tók yvir sum høvuðsvenjari hjá monnum eftir Einar Jónsson.

Simon Olsen (Savnsmynd: Jens Kr. Vang)

Simon Olsen takkar á Facebook felagnum, venjarum, spælarum, sjálvbodnum, og øllum sum hann hevur samstarva við á leiðini. Tað hevur verið ein fragd at verið partur av, tað hevur verið læruríkt, og ikki minst hava nógvar goðar upplivingar verið.

- Nú gleði eg meg til at vit saman jagstra best møguliga endan, skrivar Simon Olsen á Facebook.

Seinastu tíðina hevur hann eisini havt ábyrgdina av H71-kvinnunum, sum millum annað hava verið í Spania og spælt Evropa Cup.

H71 menn liggja á fjórða plássið við 15 stigum. H71 kvinnurnar liggja á fyrsta plássið við 31 stigum.