Agnar Prestá
Seks dystir, 16 stig og bert trý mál igjøgnum. Tølini hjá Andriasi Edmundsson og Wisla Plock sóu gott út undan dystinum í Gydnia í kvøld.
Hóast Wisla hevði væl fleiri skot, hornaspørk og so framvegis koppaði tað hinvegin í 7. umfari.
Nærum beint eftir steðgin misti vongbakkurin hjá Wisla, eftir alvering og rætt atgerð hjá Andriasi,, bóltin í vandamiklari støðu, og Arda revsaði.
Hetta varð einasta málið í dystinum. Harvið er fyrsta tapið hjá uppflytarunum í Ekstraklasa veruleiki.
Málið (frá 2.15) og hæddarpunktini annars síggjast ovast.
Wisla Plock verður tó framvegis oddalið í fremstu pólsku deildini, nú landsliðssteðgur verður; líkamikið hvørji hini úrslitini í 7. umfarið um vikuskifti verða.
Hóast tap í kvøld, kann Andrias Edmundsson koma til Føroyar við rættum akslum í ambandi við landsdystirnar. 24-ára gamli toftamaðurin hevur higartil spælt allar minuttirnar í einari deild á høgum evropeiskum stigi (7x90 minuttir) og staðið seg ógvuliga væl saman við liðnum.
Andrias verður sera týðandi fyri Føroyar á Tórsvølli móti Kroatia fríggjakvøldið og í Gibraltar 8. september.
Vinarliga broyt tínar kennifíla - og privatlívsstillingar fyri at síggja hetta innihald