Steffan aftur við Løkin

Eftir tey ár í útlegd á Toftum, er Steffan Abrahamson Løkin aftur í barndómsfelagnum NSÍ.

Niðurflytararnir í Runavík boða frá, at 22 ára gamli Steffan Abrahamson Løkin hevur skrivað undir tvey ára sáttmála við felagið, sum næsta ár spælir leygardagsfótbólt í næstbestu deildini. Málið er greitt: Upp aftur í bestu deildina sum skjótast.

- Steffan er ein náturligur málskjútti, ið kann spæla bæði fremsti maður og vongur. Hetta er ein sannur fongur fyri NSÍ, og vit gleða okkum til at síggja Steffan skjóta NSÍ upp aftur í bestu deildina komandi kappingarár, skrivar NSÍ á heimasíðuni.