Fótbóltur

KÍ skal basa B36 fyri at koma í finaluna aftur

B36 og KÍ hittast til fyrru hálvfinaluna í Klaksvík 11. juni. Sama dag spæla NSÍ og Víkingur við Løkin. Seinnu hálvfinalurnar eru á skránni í september.

Sanna Svarvadal og Livyan Borges - KÍ og B36 - bresta saman í Klaksvík um ein mánaða (Mynd: Sverri Egholm)

2023-05-10 11:28

Agnar Prestá

Sunnudagin spældu B36, KÍ og Víkingur seg víðari til hálvfinalurnar í steypakappingini hjá kvinnum. Mánakvøldið vann NSÍ seg eisini víðari við greiðum sigri í Sørvági.

Málini síggjast her - upptøkur: FSF

Les eisini: Hesi eru víðari í steypakappingini

Lutakastið til hálvfinalurnar var í gjárkvøldið í Televarpinum. Raðfylgjan á seðlunum gav hesar hálvfinalurnar:

KÍ - B36
NSÍ - Víkingur

(Tey fyrrnevndu hava heimadyst í fyrru hálvfinaluni)

KÍ vann greipuna í fjør og er oddalið í Betrideildini við fullum stigatali. B36 er liðið, sum skal royna at koppa KÍ fyri at koma í steypafinaluna.

Í hinari hálvfinaluni er NSÍ rímiliga greiður favorittur, sum tað sær út nú. Fyri viku síðani vann NSÍ 5-2 í Sarpugerði.

Hálvfinalurnar skulu spælast 11. juni og 27. august. Finalan verður leygardagin 7. oktober, sambært FSF.

Vinarliga broyt tínar kennifíla - og privatlívsstillingar fyri at síggja hetta innihald