Stórhøllin í Hoyvíkshaganum eitur "við Tjarnir"

Áður hevur tað gingið undir navninum "Føroya Arena", men framyvir er navnið "við Tjarnir".

Nýggja navnið á stórhøllini, sum verður bygd í Hoyvíkshaganum varð avdúkað í dag.

Navnakapping hevur verið, og tað var Remy á For, sum vann kappingina.

Navnanevndin sigur millum annað um navnið við Tjarnir: Vit halda hetta vera eitt nýtt, vakurt føroyskt staðarnavn.

- sum hevur ein veruligan samleika við tjarnirnar í lendinum

- sum ljóðar væl

- sum skapar góð hugasambond

- sum kundi verið um allar Føroyar

Í navnanevndini vóru Jonhard Mikkelsen, Siggert Patursson og Lena L. Mohr.

Eftir ætlan stendur høllin liðug í januar 2025.

(Mynd: Vidtjarnir.fo)

(Mynd: Vidtjarnir.fo)