Alda Nielsdóttir
Føroyski evropamestarin í einskullara, Sverri Sandberg Nielsen, hevur fingið staðfest covid-19 á venjingarlegu í Portugal.
Tað skrivaði heimasíðan roning.dk í gjár.
Danska róðurslandsliðið fór til Aviz í Portugal 14. november, og undir leguni hava tey øll verið negativ. Men fysioterapeuturin, Nicolai Hjelmroth, sum kom á leguna eina viku seinni, fekk sjúkueyðkenni týsdagin, og síðani er hann staðfestur covid-19 positivur. Hetta, hóast hann varð staðfestur negativur áðrenn fráferð.
Sverri og restin av landsliðnum vóru síðani avbyrgd á kømrunum, og vórðu tey øll kannað fleiri ferðir. Bert Sverri er staðfestur positivur.
Sverri er framvegis avbyrgdur, og áðrenn hann kann fara heimaftur, skal hann vera uttan sjúkueyðkenni og vísa á negativa kanning.
Vinarliga broyt tínar kennifíla - og privatlívsstillingar fyri at síggja hetta innihald