Taekwontosambandið fingið búmerki

Taekwondosamband Føroya, sum varð stovnað í 2017, hevur nú fingið nýtt búmerki. Sambandið skrivar, at tað er Else Sjúrðraberg, sum hevur sniðgivið búmerkið. 

Hóast sambandið bert er tvey ára gamalt, hava tey fingið nógv av skafti. 

Fyri fyrstu ferð í søguni var FM í taekwondo á skránni í oktober í fjør. Og í desember fekk sambandið altjóða viðurkenning, tá tað var upptikið í World Taekwondo Federation.

Um vikuskiftinum fara átta íðkarar avstað til norðurlendsku meistarakappingina, sum verður í Olso í Noregi. Tey kunnu tá stolt berjast undir Merkinum, skrivar Taekwondosamband Føroya í tíðindaskrivi.