Fótbóltur

Taka onga støðu fyrr enn í fyrsta lagi í morgin

Nógvir fótbóltsdystir eru á skránni um vikuskiftið, men tað er framvegis ivasamt, um kuldi og kavi aftur fara at ávirka. FSF fylgir støðuni, men staðfest verður harfrá fyrrapartin, at tað er ov tíðliga at taka eina avgerð nú.

Frost og kavi kunnu gera fortreð - liðini fáa ikki fyrireika seg sum vanligt í løtuni (Savnsmynd)

Frost og kavi kunnu gera fortreð - liðini fáa ikki fyrireika seg sum vanligt í løtuni (Savnsmynd)

2023-03-15 11:23 Author image
Agnar Prestá
placeholder

Kavi liggur framvegis og darvar venjingarnar hjá feløgunum kring landið. 2. umfar í Betrideildini hjá monnum og í 1. deild, umframt 1. umfar í Betrideildini hjá kvinnum, í 2. deild og hjá U21 skuldi spælast síðsta vikuskifti, men hetta varð alt av ongum.

Les eisini: Eingin fótbóltur í vikuskiftinum

Fótbóltssamband Føroya tók hesa avgerðina hósdag, í samráð við veðurfrøðingar og eftir veðurforsøgnunum sum vóru rímiliga greiðar. Líkt er til, at líknandi støða kann vera hesa vikuna.

Portalurin hevur fyrrapartin verið í samband við FSF. Sunniva Kollslíð, ið er kappingarleiðari, sigur, at tað verður hugt uppá støðuna, men at tað er ov tíðliga at avgerða nakað enn-

- Veðrið er so skiftandi, og forsøgnin kann broytast nógv enn. Tað fer eisini til dømis helst at kava rímiliga nógv seinni í dag. Vit taka onga endaliga støðu fyrrenn í morgin, hósdagin, í fyrsta lagi

Í løtuni sær tað út til at fara at kava nógv í kvøld og í nátt, men at tað so verður líggjari minni avfalla út ímóti vikuskiftinum.

Umfarið hjá 1. deild við monnum stendur at vera fríggjakvøldið. Leygardagin eru millum annað fyrstu dystirnir í Betrideildini hjá kvinnum og tríggir dystir í Betrideildini hjá monnum. 

3. umfar (umfar nummar tvey) í Betrideildini hjá monnum

Leygardagin 18. mars
16.00: B68 - KÍ
17.00: EB/Streymur - B36
19.00: HB - Víkingur

Sunnudagin 19. mars
15.00: 
TB - ÍF
AB - 07 Vestur

Les eisini: HB - Víkingur er ásettur til leygarkvøldið

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder