Tann fyrsti av 135 verður spældur í kvøld

Bíðitíðin hjá teimum, sum hava verið spent uppá Betrideildina, er so at siga av. Í kvøld verður starktskotið til kappingina, tá HB og B68 spæla tann fyrsta av teimum 135 dystunum.

Klokkan 18.30 í kvøld bríkslar FIFA-dómarin Jóhan Hendrik Ellefsen í gongd. Liðið hjá Jákupi á Borg skal royna at skaka liðið hjá Adolfo Sormani. Steypavinnararnir vunnu stórsteypið, men mong ivamál eru kring HB-liðið, sum hevur mist fleiri profilar og hevur skift leikskipan.

Tað hevur víst seg seinastu árini, at tað ofta er javnt í innanhýsis dystunum millum liðini hvør sínumegin Eysturoyartunnilin. Í vetur hevur HB heintað Bartal Páll Klein og Áka Johannesen úr B68, men báðir sótu uttanfyri í stórsteypadystinum vegna skaðar. Magnus Holm Jacobsen er farin hinvegin. Nýggi norski áleyparin hjá HB verður møguliga í hópinum.

Sí eisini: B68 javnan fingið stig móti HB seinastu árini

Jákup á Borg helt fram í B68 hóast alt. Hansara lið hevur seinni árini argað HB nakrar ferðir (Mynd: Sverri Egholm9

Eins og við øllum øðrum dystum í ár, ber til at fylgja gongdini beinleiðis ovast á portal.fo ella roysni.fo har umiskar upplýsingar eru um dystirnar. Portalurin verður eisini á staðnum í Gundadali.

Betrideildin, 1. umfar: 
Fríggjadagin 7. mars
18.30: HB - B68

Televarpið vísir allar dystirnar aftur í ár. Hinir dystirnir í 1. umfari verða spældir sunnudagin.