Tikin í nossuni

Ein undarlig støða frá 2-1 sigrinum hjá KÍ móti EB/Streym hevur fingið nógva umrøðu síðan dystin í gjár seinnapartin.

Støðan hevði tvey reyð kort við sær, og hendi langt úti í tíðini, sum dómarin hevði lagt afturat.

Sambært upptøkunum er greitt, at Árni Frederiksberg tekur í steinarnar á EB/Streymaleikaran, Meinhard Debes Geyti.

Eftir hetta sparkar Meinhard Debes Geyti beinini undan Árna Frederiksberg og dómarin hevur tí ongan annan møguleika enn at geva reytt kort.

(Skíggjamynd: Kvf.fo)

Omaná hetta fekk venjarin Sigfríður Clementsen eisini reytt kort fyri kjaftaslit og ósømiligan atburð.

3-2 visti í kvøld at siga, at EB/Streymur hevur sent FSF-umsitingini skriv um hendingina. FSF skal nú gera av, um málið skal takast upp til viðgerar ella ikki.