Tórur Fløtt setti nýtt met í skeet

Um vikuskifti bleiv skipa fyri 34 ára føðingardagskappingini í skeet hjá Sunda Byrsufelag.

Kappingina vann 23 ára gamli Tórur Fløtt, við at raka 53 útav 60 dúgvum í finaluni.

Hetta er samstundis nýtt føroyskt met í eini skeet finalu, hjá einum føroyskum skjútta, gamla metið varð 50.

Nummar tvey gjørdist Jóannis Joensen við 43 í finaluni, og nr. 3 bleiv Marius F. Joensen við 37 í finaluni.

Marius hevur verðið burturstaddur síðan februar mánað, men allíkavæl megnaði hann at vera bestur í innleiðandi umførunum við at skjóta 68 av teimum fyrstu 75 dúgvunum.

Øll úrslitini frá kappingini síggjast her

Tá Marius F. Joensen vann gull á oyggjaleikunum í Gibraltar í fjør, rakti hann 49 dúgvur í finaluni.