Tríggjar ferðir 2-1 í okkara bólki

Føroyar taptu á Malta í gjárkvøldið eftir ein heldur løgnan dyst og eitt væl undir miðal avrik. Niðurtúrurin á Ta' Qali kom í einum 2-1 dysti; hetta var sama úrslit sum í hinum báðum dystunum í bólki bólki F

Sí myndir frá dystinum

Norra var ikki langt frá at fáa stig í Spania. Heimaliðið kom annars á odda eftir eitt korter. Í 2. hálvleiki fingu liðini eitt brotsspark hvør. Fyrst javnaði Joshua King úr ellivu metru, men fimm minuttir seinni avgjørdi spanski liðskiparin, Sergio Ramos, dystin við køldum brotssparki. 

Á Friends Arena í Stockholm vann HM-kvartfinalisturin. Svøríki skoraði tvær ferðir stutt fyri hálvleik. Rumenia svaraði aftur í 58. minutti, men í tætta dystinum vóru sviar omaná. Rumenia skal royna at fáa sínu fyrstu stig í undankappingini í Cluj týskvøldið, tá Føroyar eru á vitjan.

Bólkur F: 
Malta - Føroyar 2-1 (1-0)
Svøríki - Rumenia 2-1 (2-0)
Spania - Norra 2-1 

Í hinum fimm dystunum var sum so einki yvirraskilsi: 

Bólkur D: 
14.00: Georgia - Sveis 0-2
17.00: Gibraltar - Írland 0-1

Bólkur J: 
Bosnia - Armenia 2-1
Italia - Finnland 2-0
Liktinstein - Grikkaland  0-2

Í kvøld eru tíggu dystir á skránni - tað eru bólkarnir C, E, G og I sum verða í gongd. Klárt størsti dysturin er tann í bólki C, har Holland tekur ímóti arvafíggindanum Týsklandi.