Tryggur sigur til Skotland

2. setti var greitt tað besta hjá føroysku kvinnunum móti Skotlandi. Skotska liðið var ov sterkt á degnum, har Føroyar ikki fingu spælið heilt at koyra, hóast at tað sá gott út í løtum.

Tað gjørdist bert til trý sett, har settúrslitini vóru hesi: 
Føroyar - Skotland 0-3
17-25, 22-25, 17-25

Úrslitið hevur við sær, at Føroyar spæla seinnu hálvfinaluna í kvøld, og føroyska liðið fær tað væl sterkari mótstøðuliðið. Luksemborg vann stóran 3-0 sigur á Noðurírlandi í gjár og er favorittur móti Føroyum.

Hálvfinalan hjá Føroyum byrjar klokkan 19.30 føroyska tíð.