Fótbóltur

U17-genturnar endaðu á 2. plássi

Hetta merkir, at Føroyar fara eitt stig upp í styrkismetingini í B-deildini til næstu undankapping. Grikkaland gjørdist ein ov stórur biti í dag, men føroyska liðið vann hinar báðar dystirnar í Vilnius.

Tær ellivu, ið byrjaðu inni í dag (Mynd: Fótbóltssamband Føroya)

2023-03-30 17:15

Agnar Prestá

U17-landsliðið við gentum hevur í beint yvir eina viku verið í Vilnius í samband við EM-undankapping í B-deildini.

Har eydnaðist fyrst at vinna á litavisku vertunum og síðani heili 6-0 á Moldova mánadagin.

[object Object]
Føroyski hópurin eftir stórsigurin á Moldova fríggjadagin (Mynd: Jan Djurhuus)

Í dag var seinasta uppgávan á skránni. Hetta var móti hægst styrkismetta liðnum í bólkinum. Grikkaland hevði, eins og Føroyar, vunnið teir báðar undanfarnu dystirnar, og megnaði eisini at basa Føroyum í dag.

Hagtølini hjá UEFA vísa, at Grikkaland var greitt omaná í spæli og málmøguleikum - málið til 2-0 kom tó ikki fyrrenn í yvirtíðini

- Eftir tveir góðar sigrar móti ávíkavist Litava og Moldova, gjørdist mótstøðan úr Grikkalandi í dag somikið stór, at grikkar vunnu dystin við tveimum málum móti ongum

Hetta skrivar fsf.fo, ið eisini upplýsir, at sigrarnir í Litava merkja nakað fyri næsta ár:

- Føroyar endaðu sostatt kappingina sum nummar tvey í bólkinum, og hetta merkir, at vit flyta eitt lag upp í styrkismetingini í B-deildini til næstu undankapping

Vinarliga broyt tínar kennifíla - og privatlívsstillingar fyri at síggja hetta innihald