Hondbóltur

U20-menninir móttiknir á ráðhústrappuni í kvøld

Almenn móttøka verður á Vaglinum klokkan 18.

Føroysku U20 menninir hava eitt nú vunnið á Danmark og Noreg í EM-endaspælinum í Porto (Mynd: Harald Bjørgvin)

2022-07-18 11:27

Sverri Egholm

U20 menninir sum í EM-endaspælinum í Porto hava framt eitt bragd fyri og annað eftir verða stórliga fagnaðir á ráðhústrappuni á Vaglinum í kvøld.

Tað verður klokkan 18, at almenn móttøka verður.

Við góðu úrslitinum hava U20 menninir tryggjað sær luttøku til HM í 2023 fyri U21 lið, umframt tryggjað einum komandi U20 landsliði luttøku til EM-endaspælið í 2024.

Øll eru vælkomin, sigur Tórshavnar kommuna.

Vinarliga broyt tínar kennifíla - og privatlívsstillingar fyri at síggja hetta innihald