Hondbóltur

U20: Noreg á skránni nú á middegi

Í dag byrjar millumumfarið í EM-kappingini í hondbólti í Porto.

(Mynd: Harald Bjørgvin)

(Mynd: Harald Bjørgvin)

2022-07-12 11:17 Author image
Ingi Samuelsen
placeholder

Klokkan 12 í dag skulu føroysku U20 hondbóltsdreingirnir aftur í dyst í EM-kappingini í Porto.

Nú snýr tað seg um millumumfarið, har liðini, ið gjørdust nummar trý og fýra í innleiðandi umførunum kappast.

Føroyar og Slovenia eru komin í bólk saman við Polandi og Noregi, sum gjørdust ávikavist nummar trý og fýra í bólki A, har Portugal og Spania komu víðari í víðari kappingini um evropameistaraheitið.

Poland endaði við tveimum stigum. Teir vunnu 32-26 á Noregi, men taptu 31-41 fyri Portugal og 32-41 fyri Spania. Noreg tapti allar sínar innleiðandi dystir umframt 26-32 móti Polandi gjørdist tað til 25-38 móti Spania og 26-35 móti Portugal.

Føroyar hava eins og Noreg einki stig við sær í millumumfarið, meðan Poland og Slovenia hava tvey stig við sær fyri sigurin á ávikavist Noreg og Føroyum.

Nummar eitt og tvey í millumumfarinum skulu síðan dystast um plaseringarnar frá 9 til 12, meðan fýrararnir skulu kappast um plássini frá 13 til 16.

Føroyar spæla móti Noregi í dag klokkan 12 og aftur móti Polandi í morgin klokkan 12. Kringvarpið vísir dystirnar. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder