U21-leikarar hjá 07 Vestur raktir av koronu

Tríggir U21-leikarar hjá 07 Vestur hava fingið staðfest koronu. Tað skrivar felagið í fráboðan á Facebook.

Felagið hevur tí, fyri at binda um heilan fingur, valt at avlýsa allar venjingar hjá felagnum, til greiða er fingin á, hvussu smittustøðan er.

Í fráboðanini heitir 07 Vestur á øll, sum eru virkin í felagnum um at vísa varsemi, at taka neyðug atlit, um tey hava minsta illgruna um smittu ella sjúkutekin.