Ungur dani skal styrkja mansliðið hjá StÍF

StÍF og danin Christian Bonde hava gjørt avtalu um, at hann fer at spæla við mansliðnum komandi kappingarár, skrivar heimastíðan hjá Stranda Ítróttafelag.

Christian er 23 ára gamal. Hann vaks upp í lítla danska býnum Odder. Christian hevur spælt hondbólt síðan hann var smádrongur. Hann gleðir seg at koma at spæla á StÍF-mansliðnum. Hann er ein sterkur strikuleikari og hevur spælt við Århus Elite håndbold; seinasta kappingarár spældi hann við 1. deild hjá Odder håndbold.

StÍF bjóðar Christan hjartaliga vælkomin til felagið og at geva sítt íkast á fremsta mansliðnum.