Video: - Spæli uttanlands so landsliðsmøguleikin er har

Høg leikferð, sterk mótstøða og støðug spælitíð.

Hetta eru umráðandi partar av uppskriftini uppá framgongdina hjá Bjarna í Selvindi seinastu mánaðirnar. Í øllum førum sambært honum sjálvum.

Bjarni hevur gjørt bart í bestu norsku deildini. Saman við Helga Hildarson Hoydal og Tróndi Mikkelsen var hann við at halda Kristiansand uppi. Í einum dysti skoraði hann 18 mál, og í mars varð Bjarni valdur á mánaðarliðið fyri Rema 1000-deildina.

Les eisini: 
Føroyingar gjørdu bart í avgerandi dystinum hjá Kristiansand
Bjarni á mánaðarliðnum í bestu norsku deildini
Bjarni skiftir til Val

Bjarni í Selvindi í gjøgnumbroti til landsliðsvenjingina í Hoyvík fyrrapartin (Mynd: Sverri Egholm)

Alt hetta hevur tó ikki leitt til pláss í "høvuðshópinum" til HM-undandystirnar hesa vikuna - Bjarni í Selvindi er úttikin sum eykamaður til bakplássini. Hann er tó ikki argur, men heldur fram at arbeiða til venjingarnar og uttanfyri landoddarnar.

Eftir summarsteðgin verður tað í íslendska høvuðsstaðnum saman við Allani Norðberg í Vali. Bjarni heldur fyri, at Allan - ið eisini er uppvaksin í StÍF - hevur havt ein fingur við í spælinum í skiftinum, Avrikini hava eisini tala fyri seg, og Bjarni gleðir seg til at menna seg víðari undir dugnaligum venjara.

Hoyr samrøðuna við skálamannin ovast.

Sí eisini: Myndir: HM-fyrireikingarnar byrjaðu í Hoyvík

Sí eisini: (Video) Pauli Jacobsen: Royni at venja meg við verndarbrillurnar

Sí eisini: Tróndur Mikkelsen:- Eg vil hjálpa liðnum so væl sum gjørligt