Agnar Prestá
Heilt upp í málhornið. Yvirleggjaran og inn. Undirhondsskot.
Filip Jojic hevði fleiri góðar hættir at skora uppá í Moskva í gjárkvøldið. Nýklækti FM-vinnarin skoraði átta mál, tá Føroyar taptu 31-24 fyri Russlandi.
Hetta var eitt slag av veruligum gjøgnumbroti í landsliðsbúnanum hjá 32-ára gamla bakspælaranum, sum upprunaliga er úr Bosnia-Hersegovina, men sum seinastu tíggju árini hevur búð í Føroyum. Hann hevur funnið heimstað og konu í Vestmanna, hevur tikið útbúgving sum skipsatstøðingur og í fjør komu pappírini uppá pláss, soleiðis at Filip nú kann umboða føroyska landsliðið.
Málslúkurin úr VÍF skoraði ein triðing av málunum hjá Føroyum í torføra dystinum í Moskva, og nummar 21 vísti veruliga, at hann kann gerast sera virðismikil fyri landsliðið komandi árini. Helminugirn av hansara málum kann síggjast í videoklippinum ovast, sum Hondbóltssambandið hevur sett saman.
Næsta uppgávan hjá Filipi og liðfeløgunum verður longu í morgin, tá Kekkia vitjar í Høllini á Hálsi.
Vinarliga broyt tínar kennifíla - og privatlívsstillingar fyri at síggja hetta innihald