Video: Kaspara Danielsen ársins amboðsíðkari hjá kvinnum

Í kvøld savnast fimleikurin til galla. Fimleikagalla í ár er í Dansifrøi í Havn, og tað er Fimleikafelagið Ljósið, sum skipar fyri.

Fyrsta handanin hevur verið, og tað var ársins amboðsíðkari hjá kvinnum.

- Ársins amboðsíðkari hjá kvinnum hevur tikið seg sera nógv fram í ár. Hon venur altíð miðvíst, er positiv og glað. Hon skapar eitt gott samanhald og gott lag í fimleikahøllini, siga fyriskipararnir.

Ársins amboðsíðkari hjá kvinnum er: Kaspara Danielsen, frá Havnar Fimleikafelag.

Aðrar handanir hava eisini verið í kvøld.

Ársins drakt (Jóan Petur á Stongunum formaður í Havnar Fimleikafelag handar. Steypið er latið av: Mikkalina-glas)

Ársins drakt er sniðgivin av Gazz design í Finlandi.
Draktin er blá, sum lýsur filmsleiklutin, Genie, frá filminum Aladdin. 
Smykkurnar og sniðið á draktini ber dám av Miðeysturi, og tí dreymakenda.

Vinnarin av ársins drakt er: Gentur Fenja, frá Havnar Fimleikafelag.

Meira verður at frætta seinni í kvøld.