VÍF vann bronsu eftir longda leiktíð

Longd leiktíð skuldi til fyri at finna ein vinnara í bronsudystinum millum Neistan og VÍF í landskappingini hjá kvinnum í gjárkvøldið.

VÍF-kvinnurnar fekk eitt plástur uppá sárið eftir at verða soraðar av Kyndli í hálvfinalunum.

Tá 60 minuttir vóru leiktir stóð á jøvnum 32-32 og neyðugt var við longdari leiktíð. Í longdu leiktíðini leikaði javnt á, og tað var ikki fyrr enn 13 sekund vóru eftir, at Fríða Nolsøe Olsen avgjørdi fyri VÍF.

Vestmannakvinnur fingu bronsuna við úrslitinum 38-37.

Fyrsta FM-finalan millum Kyndil og StÍF verður á Hálsi í Havn sunnudagin 28. apríl klokkan 17. Spælt verður best av fimm.

Dómaraseðilin sæst her