Agnar Prestá
Tíðliga leygarmorgunin fór Víkinga-ferðalagið úr Sarpugerði. Fyrsta málið var flogvøllurin í Vágum, meðan endastøðin var Gibraltar.
Klokkan var umleið 22 føroyska tíð, áðrenn allur hópurin var uppá pláss.
Úr Keypmannahavn fór ferðalagið í tvey - tað er ikki so einfalt at koma til lítla landið heilt sunnarlaga í Evropa.
Nú hevur tað snúð seg um hvíld. Í dag og í morgin skulu víkingarnir venja seg til umstøðurnar og fyrireika seg til stóru uppgávuna móti Lincoln Red Imps týsdagin.
Tað krevst ein sigur, fyri at Víkingur skal hava møguleika at halda fram í Champions League. Meistararnir av Gibraltar vunnu 3-2 í Føroyum týsdagin.
Víkingur hevur, eins og B36, áður vunnið á Gibraltar.
Tað er heitt á Gibraltar og sagt verður frá yvir 25 hitastigum, tá dysturin byrjar klokkan 16.30 føroyska tíð, týsdagin 15. juli.
Vinarliga broyt tínar kennifíla - og privatlívsstillingar fyri at síggja hetta innihald