Víkingur leingir við Justinussen

Finnur Justinussen spælir við Víkingi næstu tvey árini. Hesum boðar Víkingur frá á sínari Facebooksíðu.

Hann er 32 ár og hevur spælt beint yvir 200 dystir í Betrideildini og samanlagt 258 fyri besta liðið hjá Víkingi, sambært Faroesoccer.

Áleyparin hevur vunnið eitt FM - tað var í 2016 - og kappingina um Løgmanssteypið fýra ferðir við Víkingi.

Finnur Justinussen mátti berast av vøllinum. Tað vísti seg at krossbandið varð slitið (Mynd: Sverri Egholm)

Í einum dysti móti HB tíðliga í kappingarárinum var Finnur Justinussen óheppin og sleit krossbandið.

Víkingur vónar, at hann skjótt verður at síggja á vøllinum aftur.

Brandur Jacobsen, formaður í Víkingi og Finnur Justinussen (Mynd: Víkingur)