Vilhelm heiðraður í Fram

Tað gongur rættiliga væl hjá føroyska hondbóltsleikaranum, Vilhelm Poulsen, sum í fjør flutti úr H71 í Hoyvík til Íslands at spæla í bestu deildini har fyri felagið Fram í Reykjavík.

Í sambandi við at kappingarárið í hondbólti er um at vera liðugt, var hugnaløta í Knattspyrnufelagnum Fram, og í hesum sambandi var føroyski bakspælarin korin besti maður á liðnum hjá Fram hetta kappingarárið.

Ein annar føroyingur, strikuspælarin Rógvi Dal Christiansen, spælir eisini við Fram. Teir skrivaðu báðir tvey ára sáttmála við íslendska felagið í fjør.

Vilhelm Poulsen, nr. tvey frá vinstru - ársins spælari í Fram