Hondbóltur

Vilhelm Poulsen byrjaður í Hannover-Burgdorf

Nýggjasti føroyski Bundesliga-spælarin hevur havt sínar fyrstu venjingar í Hannover. Bundesligan byrjar 5. september.

Vilhelm Poulsen á hallargólvinum á sínum nýggja heimavølli (Mynd: TSV Hannover Burgdorf)

Vilhelm Poulsen á hallargólvinum á sínum nýggja heimavølli (Mynd: TSV Hannover Burgdorf)

2024-07-18 15:14 Author image
Agnar Prestá
placeholder

Tíðliga í mai kom sáttmáli uppá pláss millum Vilhelm Poulsen og TSV Hannover-Burgdorf.

Les eisini: Vilhelm Poulsen til Bundesliguna

Síðani hevur 24-ára gamli hoyvíkingurin spælt HM play-off dystir fyri Føroyar, pakka saman í Lemvig, spælt nakrar dystir í Katar og verið í Tokyo við A-landsliðnum.

Í Al Arabi, sum leigaði sterka føroyska landsliðsbakkin, vann hann eina steypakapping. Nú skal Vilhelm Poulsen fyrireika seg til nýggju tilveruna í týskum hondbólti.

Hannover-Burgdorf er byrjað at venja, og felagið hevur lagt myndir av nýggju spælarunum út á sosialu miðlarnar.

[object Object]
Nýggju spælararnir hjá felagnum - Vilhelm við 9-talinum (Mynd: TSV Hannover-Burgdorf)

"Die Recken", sum nýggja liðið hjá Vilhelmi verður rópt, endaði á 7. plássi í fjør. 18 lið eru við í "heimsins sterkastu hondbóltsdeild".

Kappingarárið 2024/2025 byrjar 5. september. Elias Ellefsen á Skipagøtu (THW Kiel) og Hákun West av Teigum (Füsche Berlin) fara tá undir sítt seinna kappingarár í Týsklandi. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder