Fótbóltur

17 mál samanlagt: Tvær stórar málveitslur í Suðuroynni

KÍ og HB vunnu stórt á ávikavist FC Suðuroy og TB, men bæði lótu eisini tvey mál inn.

KÍ og HB fara norð við Galaxy við samanlagt 13 málum og seks stigum (Savnsmynd: Sverri Egholm)

KÍ og HB fara norð við Galaxy við samanlagt 13 málum og seks stigum (Savnsmynd: Sverri Egholm)

2025-08-30 16:43 Author image
Agnar Prestá
placeholder

Tveir teir fyrstu dystirnir í Betrideildini í dag vórðu spældir í Suðuroy, har tvey tey størstu feløgini í Føroyum vitjaðu.

Tann í Vági byrjaði hálvan tíma áðrenn tann í Trongisvági. KÍ spældi uttan teir tríggir ovbyrjaðu, sum ikki vórðu úttiknir til landsliðið hesaferð: Hall Hansson, René Shaki Joensen og Patrik Johannesen.

Sí eisini: Hallur, Patrik og René eru ov skaðadarvaðir og slitnir

Útiliðið herjaði tó sum væntað á frá byrjan. Tað var 0-1 eftir tólv minuttir, og tað kundi væl verið meira enn 0-2 í steðginum, men tað var móti endanum av 2. hálvleiki, at skriðan veruliga leyp. 

Páll Andrasson Klettskarð skoraði tvey mál, og Árni Frederiksberg var við í nógvum. Tað gjørdist 0-5 í 90. minutti, men so fekk FC Suðuroy tvey mál - og KÍ eitt afturat. Samanlagt 2-6 og ósigraða liðið hjá Magnus Powell nærkast við stórum fetum FM.

[object Object]
Skíggjamynd

Í Trongisvági kom eitt mál fleiri: 2-7.

HB legði seg á odda tíðliga, TB svaraði aftur. So hendi tað sama einaferð aftruat - í báðum førum skoraði HB-leigusveinurin Mohammed Samba fyri TB - men Sammy Skytte syrgdi fyri 2-4 áðrenn steðginum.

Í 2. hálvleiki við Stóra var eingin ivi: Skjótt var 2-6. Emil Grønn Pedersen var aftur í hopla hjá HB: Við tveimum málum og tveimum uppleggum.

HB er harvið aftur undir liðuni á NSÍ í stigum, í stríðnum um 2. plássið, NSÍ hevur tó nógv betri málúrtøku.

Sí eisini: NSÍ heldur fram at leggja trýst á HB

[object Object]


Støðan: 

[object Object]

Dystirnir í kvøld, leygardagin 30. august:

17.15: 07 Vestur - B36

18.30: B68 - Víkingur

Í gjár, fríggjadagin 29. august
EB/Streymur - NSÍ 1-3 (1-2)
12' Michal Przybylski (Jann Benjaminsen) 0-1
18' Andras Olsen (Mórits Heini Mortensen) 1-1
29' Daniel Obbekjær (Aron Knudsen) 1-2
90 (+1)' Jasper van der Heyden 1-3

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder