Fótbóltur

Atgongumerkjasølan byrjar fríggjadagin

Sølan av Landsliðspakkum til dystirnar í UEFA Nations League hevur gingið væl. Men á midnátt hóskvøldið endar sølan, og frá fríggjadegnum á middegi ber til at keypa atgongumerki til hvønn einstakan dyst.

(Savnsmynd: Jens Kr. Vang)

(Savnsmynd: Jens Kr. Vang)

2022-04-28 19:15 Author image
Sverri Egholm
placeholder

Sølan av landsliðspakkum, ið er atgongumerki til allar heimadystirnar í UEFA Nations League 2022/2023, hevur gingið væl. Higartil eru umleið 700 landsliðspakkar seldir.

Men á midnátt hóskvøldið 28. apríl endar sølan av Landsliðspakkum, og frá fríggjadegnum 29. apríl klokkan 12 verður latið upp fyri sølu av atgongumerkjum til hvønn einstakan dyst.

Atgongumerkini eru býtt í tríggjar kategoriir (kostnaðarbólkar), og fáast til keyps í Nethandilinum á heimasíðuni hjá FSF. Í hesum sambandi kann nevnast, at til dystin móti Turkalandi, er sølan einans opin fyri føroyskum IP-adressum.

Nú Tórsvøllur fyribils er liðugt út- og umbygdur, er pláss fyri umleið 5.200 áskoðarum kring vøllin.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder