Agnar Prestá
Fótbólturin er við at pakkað saman í Evropa. Coronavirusið herjar, og nógv lond eru sera hart rakt - serliga seinastu vikuna.
Coronavirusið rakar nú fótbólt í Evropa ógvuliga meint
Hetta hevur elvt til fleiri útsettar dystir og fleiri við tómum áskoðaraplássum seinastu tíðina. Tað hevur verið at sæð í ymsum deildum, umframt í evropeisku kappingunum hjá UEFA.
Av stóru deildunum hava Italia og Spania stongt heilt av fyri fótbólti komandi tíðina. Tað er eisini gjørt í Danmark. Í Fraklandi hevur verður leikt uttan áskoðarar, og eisini í ávísum støðum í Týsklandi. Nú verður eisini steðgað at spæla í Fraklandi. Premier League hevur koyrt sum vant, men mikukvøldið varð fyrsti dysturin útsettur, og eftir at ein venjari (Mikel Arteta - Arsenal) og Callum Hudson-Odoi (Chelsea) í gjárkvøldið vórðu testaðir positivt, tykist tað bert at vera ein spurningur um tíð. Kreppufundur er í løtuni.
Les eisini:
Mikel Arteta hevur coronavirus
Premier League hálsar møguliga um
UEFA hevur í morgun avgjørt, at spælt verður ikki í Champions League, Europa League og í UEFA Youth League í komandi viku. Dystirnir týskvøldið í Champions League, Juventus - Lyon og Manchester City - Real Madrid, vóru longu útsettir, tí leikarar hjá Juventus og Real Madrid eru í sóttarhaldi.
Avgerð verður í næstum tikin um, nær áttandapartsfinalurnar í kappingunum skulu avgreiðast.
Í gjár bjóðaði UEFA øllum limalondunum til videofund týsdagin 17. mars. Har skal støða takast til, hvat skal gerast við evropeiskum fótbólti og landsliðsfótbólti í næstum.
Sum nú, sær út sum tað mesta av fótbóltinum í Evropa fer at liggja stillur restina av mars í øllum førum.
Vinarliga broyt tínar kennifíla - og privatlívsstillingar fyri at síggja hetta innihald