Danmark vann við 27 málum á Saudiarabia - Sagosen aftur á vøllinum fyri Noregi

Nógvir venjingardystir vóru spældir í gjárkvøldið, har lið sum skulu til HM-endaspælið vóru í eldinum. Tvey av Norðurlondunum royndu seg á heimavølli, og tað gekk heilt væl.

Danmark tók móti Saudiarabia í Odense. Har hevur Jan Pytlick virkað sum venjari - eins og hann hevur stjórnað GOG á Fjóni. Nú er fyrrverandi landsliðsvenjarin hjá donsku kvinnunum venjari hjá Saudiarabia, men hann kundi ikki verða á síðulinjuni í gjárkvøldið. Av tí at hann býr í Danmark, men rindar skat í Saudiarabia kann Pytlick ikki arbeiða í Danmark - ein venjingardystur er ikki nakað undantak - uttan at hann rindar eina stóra upphædd.

Harvið tók danski hjálparvenjarin - ið er undir aðrari lóggávu yvir - og hann og Pytlick, sum hugdi eftir dystinum aðrastaðni, sóu Saudiarabia leggja seg á odda, áðrenn Danmark og Pytlick yngri av álvara tóku yvir. 22-ára gamli Simon spælir til dagliga við GOG og skal við til sítt fyrsta endaspæl. Bakspælarin skoraði fleiri mál fyrstu løtuna, vísti í høvuðshetinum stórt yvirskot, og Bent Nyegaard valdi Simon Pytlick til dagsins danska spælara.

Nikolaj Jacobsen hevur leitt Danmark til tvey heimsmeistaraheiti á rað (Mynd: Sverri Egholm)

Tað vóru fleiri aðrir, ið spældu heilt væl. Eina løtu í fyrsta hálvleiki skoraði Danmark 15 mál á rað, Niklas Landin bjargaði yvir 70 prosent av skotunum, og støðan tá liðini fóru til hálvleiks var 25-5.

Nikolaj Jacobsen gjørdi fleiri broytingar til seinna hálvleik, millum annað í málinum, og Saudiarabia var omaná fyrstu løtuna eftir steðgin. Danir fingu tó glið á aftur og vunnu dystin við 27 málum. Teir vístu nógv gott hondbóltsspæl og eitt evni at hugsavna seg, men landsliðsvenjarin viðurkendi eftir dystin, at tað var heldur stórur munur, í mun til at fáa heilt nógv burturúr. Nikolaj Jacobsen hevði væntað meira - Saudiarabia og Danmark spæla í Royal Arena aftur leygardagin.  

Sagosen er aftur 
Í Trondheim er ein lítil upphitingarkapping millum Brasil, USA, Portugal og Noregi. Í gjárkvøldið vundu vertirnir burturúr Portugal: Vælsmurda norska maskinan við nýggjum venjara vann við ellivu málum, og tað var sannliga eisini at fegnast um, at Sander Sagosen var aftur í landsliðsblusuni.

Lokali drongurin breyt økilin í dysti fyrst í juni, men vann kapprenningina við tíðina og spældi seinastu dystirnar fyri THW Kiel áðrenn vetrarsteðgin. 27-ára gamli Sagosen var beinleiðis við í níggju norskum málum, og hann skal spæla ein stóran leiklut, um Noregi aftur skal kappast um heiðursmerkini. Noreg spælir aftur leygardagin móti Brasil.

Sander Sagosen í dysti móti Svøríki ið er ein av vertunum til endaspælið. Sagosen er aftur eftir álvarasaman skaða (Mynd: EPA)

Koronuavmarkingar órógva - EHF slær nevan í borðið
Sviar eru vertir saman við Póllandi, og evropameistararnir spæla venjingardyst móti Serbia seinnapartin. Higartil hevur mesta kjakið ikki verið um svenska liðið, men um stóru inntrivini hjá evropeisku hondbóltssamgonguni í vertstjóðunum: Svøríki og Pólland ynskja ikki, at koronuavmarkingar skulu seta sín dám á - tað eru sum so ikki slíkar í hesum londum sum nú er - men at liðini skulu hava tað sum vanligt til eitt endaspæl.

EHF hevur tó sett striku í sandin, og hóast stóra mótstøðu og mótmælisskriv úr íslendsku leguni, har hótt verður við klagu til altjóða mannarættingadómstól, so varð í gjárkvøldið kunngjørt, at hildið verður fast við, at allir hóparnir skulu kannast við PCR-kanning tríggjar ferðir: Áðrenn komu til vertslandið, áðrenn høvuðsumfarið (miðumfarið) og áðrenn fjórðingsfinalurnar. Um ein spælari fær staðfest koronu, er viðkomandi ikki tøkur í fimm dagar og skal fyribils í sóttarhald.

Í Íslandi, Danmark, Svøríki og nógva aðrastaðni verður hetta sæð sum vitleyst, tá covid-19 ikki ávirkar aðrar ítróttir, og tá EHF kemur inn til lond og krevur nógv strangari reglugerð enn londini sjálv. Áskoðarar kunnu vera so nógvir sum gjørligt - hetta burdi ikki ávirkað nú, kunnger EHF. Danir hava valt, at spælarararnir ikki sum ætlað geva autografar eftir dystirnar móti Saudiarabia, og at familjurnar kunnu heilsa uppá so lítið sum gjørligt. Hetta orsakað av smittuvanda; spælararnir skulu jú kannast.

HM byrjar mikudagin 11. januar. Svøríki spælir sín fyrsta dyst dagin eftir - móti Brasil. Ísland byrjar eisini hendan dagin móti Portugal Tvífaldu heimsmeistararnir Danmark og Noreg leggja út um eina viku, fríggjadagin 13. januar. Tað verður móti ávíkavist Belgia og Norðurmakedónia.