Alda Nielsdóttir
Orsakað av ov lítlari undirtøku verður einki Faroe Islands Handball Cup í ár.
Hondbóltskappingin skuldi vera í Vági í døgunum 1. til 3. august, men fyriskiparar boða í dag frá, at hon er avlýst.
Í fjør vóru 60 lið og umleið 600 hondbóltsleikarar til Faroe Islands Handball Cup, sum í fleiri enn 67 tímar bjóðaði 204 hondbóltsdystir.
– Seinasta hálva árið hevur verið arbeitt við fyrireikingunum til Faroe Islands Handball Cup 2022. Tá tilmeldingarfreistin var farin 1. juni 2022 høvdu vit eina kapping, men kunnu vit bara staðfesta at síðani hevur ávíst fráfall verið, soleiðis at undirtøkan nú er ov lítil til at skipa Faroe Islands Handball Cup 2022, siga fyriskiparar í tíðindaskrivi.
– Vit harmast um at vit eru noydd at avlýsa, men uttan undirtøku ber ikki til at skipa Handball Cup.
Vinarliga broyt tínar kennifíla - og privatlívsstillingar fyri at síggja hetta innihald