Frakland knústi norska dreymin um gull

Tað eydnaðist ikki norsku kvinnunum at endurvinna heimsmeistaraheitið. Finalan var í kvøld millum Frakland og Noreg.

Noreg vann á júst Fraklandi fyri tviemum árum síðan, men í ár vóru tað fronsku kvinnurnar sum vóru omaná eftir 60 minuttir.

Serliga fyrri hálvleikur var á høgum stigi og málríkur. Hálvleiksstøðan var 20-17 til Frakland. Leikferðin fall eitt sindur í seinna hálvleiki, men spenningurin hvarv ongantíð.

Tá alt skuldi avgerast bjóðaðu norsku spælararnir seg ikki til, og gjørdu ov nógvar tekniskar villur. Frakland vann við trimum málum 31-28.

Frakland hevur vunnið allar dystirnar í hesum HM-endaspælinum.

Fyrr í dag vann Danmark bronsudystin móti Svøríki.

Frakland - Noreg 31-28 (20-17)