FSF varpið: Fótbóltslívið og skúlalívið passa væl saman

FSF: Í summar bleiv málverjin hjá Víkingi, Bárður á Reynatrøð útbúgvin lærari. Men hvussu er at fáa starvið sum lærari og fótbóltsspælari á hægsta stigi at passa saman?

Hesum og øðrum spurningum setti FSF varpið landsliðsmálverjanum fyrr í vikuni, tá tey vóru á vitjan í 7. flokki í Tofta skúla.

Bárður sigur millum annað, at børnini í skúlanum kunnu finna upp á at arga eitt sindur, um Víkingur hevur tapt, og B68 hevur vunnið. Men meir enn arging liggur kortini ikki í tí, og stevið millum læraran úr Leirvík og børnini á Toftum er gott.