Alda Nielsdóttir
Lutakast hevur verið til European Cup hjá kvinnum, og nú er greitt, at H71-kvinnurnar skulu møta SC witasek Ferlach úr Eysturríki.
Eysturríkska liðið luttók ikki í europeiskari kapping seinasta kappingarár, men gjørdist nummar trý í eysturríksku deildini í vár.
Tilsamans 59 lið luttaka í European Cup hjá kvinnum komandi kappingarár. Fyrstu dystirnir skulu leikast vikuskiftini 8.-9. oktober og 15.-16. oktober. Um bæði liðini semjast um tað, kunnu báðir dystirnir avgreiðast sama stað, sama vikuskifti, skrivar Hondbóltssambandið.
Menninir hjá H71 luttka eisini, men ikki í fyrsta umfarinum, tá teir eru styrkismettir hægri. Lutakastið hjá teimum verður 20. september.
77 lið luttaka í European Cup hjá monnum og verða fyrstu dystirnir hjá H71 vikuskiftini 29.-30. oktober og 5.-6. november. Um bæði liðini semjast um tað kunnu báðir dystirnir eisini avgreiðast sama stað sama vikuskiftið.
Vinarliga broyt tínar kennifíla - og privatlívsstillingar fyri at síggja hetta innihald