Hanus Sørensen hevur spælt venjingardystir við liði í næstbestu slovensku deildini

Síðsta vetur skifti Hanus Sørensen til slovenska stórfelagið NK Celje, sum vildi satsa uppá føroyska landsliðsspælaran. Hetta sum fyrst og fremst høgra bakk.

Tað gekst eisini væl hjá Hanusi í byrjanini. Hann byrjaði inni í nógvum dystum tíðliga í 2025, men so líðandi misti havnarmaðurin plássið hjá liðnum, sum kom langt í Evropa og vann slovensku steypakappingina.

24-ára gamli føroyingurin var ikki í hópinum til hálvfinaluna ella finaluna, og hevur Hanus Sørensen ikki verið at sæð í nøkrum hópi til venjingardystir ella Evropa í summar.

Kappingin á høgra bakki hjá Celje er hørð, og fyri kortum frætti Portalurin, at ætlanin var at leiga Hanus Sørensen út til eitt lið í næstbestu slovensku deildini.

Hóast tað ikki er almannakunngjørt, so tykist tað greitt, at talan er um eina leiguavtalu.

Eftir øllum at døma er hon gjørd - ella er avtalan við at verða formlig - tí Hanus Sørensen hevur spælt í tveimum venjingardystum innan seinastu smáu tvær vikurnar.

Hetta hava vit fingið upplýst.

Tað hevur verið móti góðum mótstøðuliðum, og hevur tað gingið væl: Triglav vann fyrst 1-0 á ukrainska stórfelagnum Shakhtar Donetsk í einum dysti á tvær ferðir 30 minuttir, og stutt fyri ólavsøku vann Triglav Kranj 3-1 á HNK Gorica úr bestu kroatisku deildini.

Hanus Sørensen spældi á høgra bakki, og alt bendir á, at hann skal hava nógva spælitíð har hjá Triglav Kranj í kappingarárinum 2025/2026. Fyrsti kappingardystur hjá liðnum verður 9. august.

Býurin Kranj er ikki so langt frá Celje. Liðið var ógvuliga nær við at flyta upp í bestu slovensku deildinia fyri summarsteðgin, men tapti samanlagt 5-4 í play-off finaluni.

Dagført 16.48: Triglav hevur júat kunngjørt, at liðið he ur leigað Hanus Aørensen úr Celje. Avtalan er galdandi fyri kappingarárið 2025/2026.