Hondbóltur

Hondbólturin skal hava stjóra

Økta virksemið og góðu úrslitini leypandi gera, at Hondbóltssambandið nú søkir eftir stjóra.

Virksemið hjá Hondbóltssambandinum er økt munandi og góðu úrslitini fylgja við. Tað krevur nógv (Mynd: Sverri Egholm)

Virksemið hjá Hondbóltssambandinum er økt munandi og góðu úrslitini fylgja við. Tað krevur nógv (Mynd: Sverri Egholm)

2022-10-18 11:31 Author image
Sverri Egholm
placeholder

Hondbóltssamband Føroya søkir nú eftir stjóra. Ásannast má, at økta virksemið og góðu úrslitini leypandi økja um krøvini til sambandið, og tí skal stjóri setast.

- Hondbóltssamband Føroya leitar tí eftir einum stjóra, sum hevur leiðsluroyndir, fíggjarligt skil, góð samstarvs- og samskiftisevni og er skipað/-ur í sínum virki. Tað hevur eisini stóran týdning, at stjórin hevur royndir at leggja langtíðarætlanir og at arbeiða samsvarandi hesum, stendur í starvslýsingini.

Í umsitingini hjá Hondbóltssambandi Føroya starvast trý starvsfólk. Harumframt hava fleiri nevndarlimir, venjarar og onnur, sum eru knýtt at limafeløgunum og varða av okkara landsliðum, dagligt samskifti við Hondbóltssambandið.

Umsóknarfreistin er 2. november.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder