Ísland hálaði sigurin heim í fyrsta dystinum

HM-endaspælið í manshondbólti fór av bakkastokki í gjár, tá Frakland vann 26-24 í upplatingardystinum. Men í dag var veruliga farið í gongd, og millum annað Ísland og Svøríki vóru í dysti.

Tað var spenningur fyri allar pengarnar í dystinul millum Ísland og Portugal. Støðan í hálvleikinum var 15-15 og til allar síðst helt spenningurin sær.

Íslendingar endaðu við at vinna 30-26. Hini liðini í bólkinum umframt Portugal eru Ungarn og Suðurkorea.

Svøríki vann sín dyst móti Brasil trygt 26-18. Hálvleiksstøðan var 11-9 til sviar.

Hini londini í bólkinum eru Grønhøvdaoyggjar, Uruguay umframt Brasil.

Í morgin spæla Danmark og Noreg móti ávikavist Belgia og Norðurmakedonia.

HM kappingin í hondbólti verðir leikt í Póllandi og Svøríki.

(Kelda: Flashscore.dk)