Fótbóltur

Klaksvíkskappingin byrjar í kvøld

KÍ tekur móti 07 Vestur klokkan 17.30, og klokkan 19.30 spæla Víkingur og B36 hina hálvfinaluna. Finalan og dysturin um 3. plássið eru á skránni leygardagin.

KÍ og 07 Vestur dystast í kvøld. 07 Vestur fekk í vikuskiftinum fatur á Magnis Holm Jacobsen (nummar 3 við bakinum til), sum í nógv ár hevur spælt fyri B36. Júst B36 spælir eisini í Klaksvík í kvøld - klokkan 19.30 móti Víkingi (Mynd: Sverri Egholm)

KÍ og 07 Vestur dystast í kvøld. 07 Vestur fekk í vikuskiftinum fatur á Magnis Holm Jacobsen (nummar 3 við bakinum til), sum í nógv ár hevur spælt fyri B36. Júst B36 spælir eisini í Klaksvík í kvøld - klokkan 19.30 móti Víkingi (Mynd: Sverri Egholm)

2023-02-15 10:49 Author image
Agnar Prestá
placeholder

Í kvøld eru tveir dystir á skránni við Djúpumýru í Klaksvík. Talan er um hálvfinalurnar í siðbundnu Klaksvíkskappingini, sum millum annað er ein fráboðan um, at kappingarbyrjan er í nánd.

Trý av teimum fýra topp-fýra liðunum frá í fjør luttaka. HB hevur valt at raðfesta venjingar hesa vikuna og hugsar eisini um skaðafyrbyrging; harvið gav liðið avboð, og ístaðin er 07 Vestur við.

Les eisini: 07 Vestur luttekur í Klaksvíkskappingini sum avloysari hjá HB

Vágamenn skulu royna seg móti vertunum og føroyameistarunum. Tann dysturin byrjar klokkan 17.30. Upprunaliga skuldu KÍ og B36 hittast, men av tí at tey spældu í VFF Cup í vikuskiftinum - KÍ vann 4-0 - er dystarskráin broytt.

B36 skal ístaðin spæla ímóti steypavinnarunum Víkingi, sum eisini vann Klaksvíkskappingina í fjør.

Skráin fyri Klaksvíkskappingina

Í kvøld, mikukvøldið 15. februar:

17.30: 07 Vestur - KÍ

(Dómarar: Kári á Høvdanum, Petur Páll Hentze og Djóni Jacobsen)


19.30: Víkingur - B36

(Dómarar: Kári á Høvdanum, Petur Páll Hentze og Djóni Jacobsen)


Leygardagin 18. februar:

Kl. 13.00: Dystur um 3. pláss

Kl. 15.15: Finala


Keldur: ki.fo og Norðlýsið

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder