Kvøldið hjá KÍ

Tveir teir seinastu dystirnir í 9. umfari í Betrideildini eru leiktir í kvøld. Talan gjørdist um tveir tættar dystir, har KÍ tó burdi havt fingið fleiri mál á Skála, og har bæði Víkingur og EB/Streymur kunnu irða seg nakað um úrslitið í Sarpugerði.

KÍ var greitt omaná í 1. hálvleiki á Skála, og tað var fult uppiborið, at liðformaðurin Jákup Andreasen legði útiliðið á odda eftir frísparksinnlegg frá Simen Sandmæl. Í 2. hálvleiki var heimaliðið væl betri við, men oddaliðið burdi dripið dystin við millum annað einum brotssparkið, ið vælleikandi Karstin Hansen bjargaði frá Jóannes Bjartalíð miðskeiðis í hálvleikinum. Skála royndi at trýsta, og var í yvirtalið seinastu 15 minuttirnar (við yvirtíðini), eftir at Sandmæl fekk sítt seinna gula kortið. Liðið hjá Mikkjal Thomasen vann tó uppiborið og hevur eina góða leiðslu í oddinum eftir fyrsta triðingin. 

EB/Streymur hevði helst selt dystin í Sarpugerði í kvøld fyri ein javnleik, men útiliðið hevði leiðsluna í næstan hálvan tíma, áðrenn formsterka Víkinga-liðið fekk bjargað sær eitt stig. Eitt vónbrot fyri Víking ið gjarna vildi halda sambandið við KÍ í oddinum


9. umfar i Betrideildini:

Skála - KÍ 0-1 (0-1)
27' Jákup B. Andreasen 0-1
Reytt kort: Simen Sandmæl (79') 

Víkingur - EB/Streymur 1-1 (0-1)
43' Ragnar Bjartalíð Danielsen (br.) 0-1
75' Vukasin Tomic 1-1

Í gjár: 

B36 - TB 1-0 (0-0)
17' Benjamin Heinesen 1-0

ÍF - HB 0-2(0-0)
68' Pætur J. Petersen 0-1
78' Daniel Johansen 0-2 

NSÍ - AB 5-1 (2-0)
3' Petur Knudsen 1-0
18' Klæmint Andrasson Olsen 2-0
51' Eli Christiansson 2-1
63' Klæmint Andrasson Olsen 3-1
70' Sjálvmál 4-1
90' Klæmint Andrasson Olsen 5-1

Støðan eftir 9. umfør: 
1. KÍ (23 stig) 
2. NSÍ (19 stig)
3. B36 (18 stig) 
4. Víkingur (17 stig) 
5. Skála (15 stig) 
6. HB (15 stig) 
7. TB (8 stig) 
8. EB/Streymur (7 stig) 
9. ÍF (4 stig) 
10. AB (3 stig) 

10. umfar: