Fótbóltur

Leggja seinastu hond á fyrireikingarnar í kuldanum í Moldova

Føroyska liðið kom uppá pláss í Chisnau í gjár og hevur síðani verið á vølli tvær ferðir. Fyrsta bríksl í kvøld verður klokkan 19.45.

(Mynd: Aleksandar Djorovic / portal.fo)

(Mynd: Aleksandar Djorovic / portal.fo)

2021-03-25 12:59 Author image
Agnar Prestá
placeholder

Seinnapartin í gjár kom A-landsliðið við monnum til Chisinau i Moldova, har fyrsta uppgávan í undankappingini til HM 2022 verður í kvøld. Fyrsta bríksl verður klokkan 19.45 - tað er klokkan 21:45 lokala tíð.

Eftir ein lítlan steðg á Leogrand gistingarhúsinum, gekk leiðin á Zimbru stadion, har vant varð í ein góðan tíma. Tað merkist beinanvegin, at tað er kalt í moldovska høvuðsstaðnum – um frostmarkið.

Sí eisini: Myndir - komnir fram í Chisinau

Hetta skrivar heimasíðan hjá FSF, ið eisini skrivar, at landsliðsvenjarin, Håkan Ericson, á tíðindafundinum áðrenn venjingina við einum lítlum smíli segði, at veðrið í Chisinau helst ikki fór at ávirka føroysku spælararnar. Hetta tí at í Føroyum kemur meira enn so fyri, at tað er kalt, og at tað eisini onkuntíð er nakað av vindi.

[object Object]
Håcan Ericson og Klæmint Andrasson Olsen á tíðindafundinum í gjárkvøldið (Mynd: Aleksandar Djorovic / portal.fo)

[object Object](Mynd: Aleksandar Djorovic / portal.fo)

Í morgun hava føroysku leikararnir havt taktiskan fund og verið á vølli og fingið flutt seg eitt sindur. 

Tað er Moldova, ið sambært veddingarfyritøkunum er ein lítil favorittur til dystin í kvøld. 

Video:
Hallur: Kunnu vænta strævnan og harðan dyst
Stór uppgáva við nógvari ferðing og tøttum dystum

placeholder
placeholder