Longu aftur fult umfar í Betrideildini

Fýra dagar eftir 3. umfar er 4. umfar í Betrideildini á skránni.

4. umfar
Hósdagin 3. apríl
16.30: FC Suðuroy - TB

18.30: 
B68 - KÍ
NSÍ - 07 Vestur
EB/Streymur - HB
B36 - Víkingur

Støðan eftir trý umfør: 
1. NSÍ 9 stig 
2. HB 9 stig 
3. KÍ 9 stig
4. EB/Streymur 4 stig
5. B36 3 stig 
6. B68 3 stig
7. TB 2 stig
8. Víkingur 2 stig
9. 07 Vestur 1 stig
10. FC Suðuroy 0 stig 

Fyrsti dysturin á skránni er ógvuliga áhugaverdur. Bæði suðuroyarfeløgini komu upp í vetur, og TB hevur fingið eina væl betri byrjan enn FC Suðuroy: Trý mál, tvey stig og tríggir tættir dystir móti ongum máli, ongum stigi og málúrttøku á minus 0-8. Nú verður innanhýsis uppgerðin, sum heilt vist verður heit á ymsan hátt. Bæði liðini síggja hetta sum ein góðan møguleika at fáa týðandi stig í botnstríðnum.

Av hinum er B36 og Víkingur tann størsti. Bæði skulu royna at í øllum førum vinna seg upp ímóti einum 4. plássi - B36 vann sín fyrsta dyst í kappingarárinum sunnudagin við Stóra. Víkingur hevur framvegis ikki vunnið í 2025.

NSÍ, KÍ og HB hava fult stigatal, og nógv bendir á, at tey eisini hava tað eftir dagsins dystir. 07 Vestur gjørdi ein vørr móti Víkingi sunnudagin og fekk eitt stig, men NSÍ tykist flúgvandi. KÍ hevur ikki verið heilt sannførandi enn, men B68-liðið er ógvuliga sær eftir 11-0 tapi fyri NSÍ, umframt skaðar og nú eisini leikbann til Sebastian Lau Nielsen og Jákup Norðoy Vilhelmsen. Árni Frederiksberg hevur ikki fingið leikbann - enn í øllum førum.

Sí eisini: Spurningurin um leikbann er til viðgerðar

Hjá EB/Streymi hevur Meinhard Geyti leikbann og Sigfríður Clementsen hevur venjarabann. Harafturat er Mikkjal Hellisá burturstaddur. Tað kann tó verða ein tungur dystur fyri HB á Eiði.

Til ber at fylgja gongdini í øllum dystunum ovast á hesari síðuni (roysni.fo) ella ovast á portal.fo. Televarpið vísir allar dystirnar.