Myndir: KÍ-fjepparar og spælarar í Slovenia

Ljubljana, Slovenia (Portalurin): Tað gekk ikki at fáa stig aftur hesaferð móti slovensku meistarunum á einum degi, har teir hjá KÍ ilskaðust eitt sindur inn á reyða kortið til Árna Frederiksberg, vánaliga grasvøllin men mest á sítt samanlagda avrik.

Olimpija Ljubljana var bara betri, og tað vildu KÍ-umboðini heldur ikki dylja fyri í samrøðunum við Portalin aftaná 2-0 ósigurin.

Sí samrøðurnar:
Jákup B. Andreasen: Ikki uppiborið stig samanlagt
Árni Frederiksberg: - Haldi eg átti frísparki - ikki hann
Magne Hoseth: - Tora ov illa og renna ov nógv aftaná
Jonathan Johansson: - Vánaligasti evropeiski dysturin hjá okkum í ár

UEFA Europa Conference League, bólkur A
4. umfar, í gjár hósdagin 9/11: 

Olimpija Ljubljana - KÍ  2-0 (0-0)
83' David Sualehe 1-0
88' Mustafa Nukic 2-0

Sí eisini: KÍ livir á eggini eftir ósigur í Ljubljana

Støðan í bólkinum 
1. LOSC Lille 8 stig
2. Slovan Bratislava 7 stig
----------------------------
3. KÍ 4 stig
4. Olimpija Ljubljana 4 stig

Tvey lið koma víðari 

Vónin hjá KÍ um at koma víðari úr bólkaspælinum hongur nú í einum tunnum tráði, og man sá týðiliga vónbrotið á spælarum, venjaratoymi, KÍ-umboðum og partvíst eisini áskoðarunum í gjár. 

Eftir dystin komu spælararnir hjá KÍ yvir at klappa fyri og takka teimum 40-50 føroysku áskoðarunum, ið vóru til staðar í slovenska høvuðsstaðnum. Nakrir høvdu eisini yvirskot at vera verandi og práta eitt sindur. Millum annað Jóannes Kalsø Danielsen fekk nøkur klemm, og ógvuliga vónbrotni Jonathan Johansson, ið stóð ein flottan dyst í málinum, fekk heilsa uppá norsku vinmenn sínar.

Eitt føroyskt flagg sást eisini millum Ljubljana-áskoðarnar. Til ber at síggja nakrar myndir frá løtunum eftir síðsta bríksl niðanfyri. Tær hevur Aleksandar Djorovic tikið fyri Portalin.

Sí allar myndir frá dystinum í Slovenia her