Noreg knústi danska HM-dreymin í seinasta sekundi

Í mun til spenning livdi HM-hálvfinalan í Herning millum Danmark og Noreg avgjørt upp til væntanirnar: Tað stóð á jøvnum, tá eitt sekund var eftir av longdu leiktíðini.

Tá fekk Henny Reistad gott pláss at leypa uppfrá. Hetta var ikki skynsamt fyri Danmark, tí 24-ára gamli vinstri bakkurin kundi næstan ikki brenna í kvøld. Sum 14 ferðir áður í dystinum endaði bólturin í donska netinum, eftir at Esbjerg-spælarin hevði sveiggjað vandamikla høgra armin.

Hóast Reistad skoraði heili 15 av teimum 29 málum hjá Noreg, so var Althea Reinhardt vald til besta spælara í dystinum. Hon stóð eisini ein frálíkan dyst. Heldur óvæntað byrjaði Reinhardt inni í danska málinum heldur enn meira roynda Sandra Toft. Tað vísti seg tó at vera ein góð avgerð hjá Jesper Jensen og toymi.

27-ára gamli Odense-málverjin stóð ógvuliga væl - serliga fyrstu 40 minuttirnar. Danmark var eisini greitt omaná frá byrjan og í fyrra hálvleiki sum heild, har álopið sum koyrdi væl. Støðan var 14-9 í steðginum, og Danmark var í gongd við spæla seg í sína fyrstu HM-finalu í 26 ár.

Althea Reinhardt stóð ein frálíkan dyst í danska málinum (Mynd: EPA)


Kristina Jørgensen var ein, ið gjørdi fleiri mistøk í danska álopsspælinum eftir steðgin, men hon skoraði nógv umráðandi brotskøst (Mynd: EPA)

Noreg hevur tó vinnararoyndir sum einki annað land í kvinnuhondbólti. 13 gull eru komin til høldar síðani tað seinasta hjá Danmark (OL í 2004) sigur eitt sindur. Liðið vann HM-endaspælið fyri tveimum árum síðani og var líka kaldari móti endanum av vanligu leiktíðini - tá danska leiðslan varð heintað - og í longdu leiktíðini.

Donsku kvinnurnar stríddust tó allan vegin, men góðskan hjá serliga Henny Reistad gjørdist munurin. Hon skoraði øll seks norsku málini í longdu leiktíðini. Harvið brotnaðu donsku hjørtini á mállinjuni. Um Noreg skal dystast við Týskland ella Svøríki í finaluni sunnudagin, fæst greiða á um eina løtu. Seinna hálvfinalan fer í gongd klokkan 20.

Stórt danskt vónbrot....

Meðan tær hjá Noreg aftur kundu fegnast um eitt finalupláss (Myndir: EPA)


Hálvfinalurnar
Í morgin, fríggjadagin 15.12.

Danmark - Noreg 28-29 eftir longda leiktíð (23-23)

Til ber at síggja yvirlit fyri dystin her

20.00: Svøríki - Frakland